Papat diluaa papat jua didalam.

Auu kuning piapa hijau
Antakan dipuhun buluh
Batah inda ku tinjau
Tedangaa habaa upanya jauh

Ambuyat matah bukan ketupat
Jauh hati hampii manang
Asipun bejumpa inda sampat
Kandila pabaik kakal takanang

Unjuu padi paya batugal
Batang dianyam sampai basimpul
Kenal kitani nganya setagal
Takanang hati masa diMasapul

Bayam digulai basapak sutung
Asanya nyamam ditahan bamalam
Sudah kuouah datang kejantung
Papat diluaa papat jua didalam

Pucuk padi pucuk simpuu
ulam makan sambat antaai
Mudah mudahan panjang umuu
Diizin Allah bajumpa lagi

Nukilan Pena Cahaya Minda 

10 February 2020